新少林五祖

红豆：洪师傅。
洪熙官：红豆姑娘，都就快你大喜日子咯，做咩唔去忙你嘅事啊？
红豆：冇～我想帮洪师傅裁件新长衫。
洪熙官：洪阿九一向寒酸惯，唔需要做新衫。
红豆：话就唔系咁讲啦，你着得好系老爷嘅面子，等我帮你度颈啦！
洪熙官：我份人唔中意顶颈，阔滴舒服，14寸啦！
红豆：度埋个袖先！哎呀，洪师傅，你对脚好唔规矩喔！
洪熙官：你想剪咩？
红豆：唔开布料点裁衫啊？只色水几衬你啊。
洪熙官：唔好整色整水啦，衫系用来御寒嘅。
红豆：咁就睇我够唔够料啦！好彩啱啱够料喈！
洪熙官：我睇未必。
红豆：缝翻距！针线嘅嘢，男人唔识嘅！
洪熙官：仔我都臭到咁大个咯，针线我好过你！你好咯喔，红豆姑娘，我两父子浪迹天涯，只求两餐一宿，你又何必苦苦相逼呢？
红豆：我唔逼你，我惊你督我喔！等你试下我家传绝招连环穿心腿啦！
洪熙官：无影脚！！！弊！冇咗气嘅！啊！你咬我？
红豆：我唔咬得你深，你又点会记得我啊？
洪熙官：你识闭气功，原来你就系近来呃人钱嘅丧尽天良贼母女。
红豆：我系弱质女流，你点讲都得噶啦。
洪熙官：红豆姑娘，我做得护院，就唔会比你系度搞事，只要你安分守己，我亦唔会拆穿你嘅底细。
红豆：好，咁就河水不犯井水，大家当无数。无影脚好似系洪熙官嘅独门绝招喔，系迷啊洪大侠？
洪熙官：你唔好逼我煞你灭口啊。
红豆：你唔会嘅，如果你要煞我头先就唔会招招留情啦，你对我好，我会记得嘎。