我们的勇气未满都市

评分：

6.0 还行

原名：ぼくらの勇気未滿都市又名：我們的勇氣 / 未满都市

分类：剧情 / 科幻 / 地区：日本年份：1997

简介：幕原因为发生了重大地震而遭到了封锁，这让名叫大和（堂本光一饰）的男子感到十分担

查看详情

更新时间:2019-10-28

我们的勇气未满都市影评：KinKi Kids 的青春

KinKi二人唯一一套不悲劇不兒戲的合作劇，很喜歡設定。
2016年4月27日
《我們的勇氣~未滿都市》(1997)
依舊停留喺Set 6A，繼續補劇。
呢套係KK三部曲入面最唔虐嘅一部
大結局前三日我先出世lol
首先講吓劇情，話說千葉一個地方叫幕原發生咗地震，所以兩個主角就動身去呢個地方，一個就係拋低青梅去搵竹馬，一個就去搵家姐。點知佢地去到呢個地方，發現政府將呢個地方封鎖咗，實情並非係地震要重建，而係入面有粒隕石，會發射一啲微生物，感染咗佢的話，佢會令你嘅細胞加速生長，一到20歲就要瓜老襯，(仲要唔through air係through direct contact)(一開始就已經吐槽佢嘅media of transmission.....)，所以幕原市入面生存嘅只有未滿20歲嘅細路，而呢個故事就係探討人性。
兩個主角一個現實一個浪漫主義，佢地由一開始要喺呢班絕望嘅人生存，到到後來要向政府討價還價，爭取所需，(#彈幕話係人大代表lol)，到得到班細路信任，令到佢地唔好自相殘殺，爭權奪利，蝦蝦霸霸，再尋找生存落去嘅方法，以及所有事嘅真相，一路經歷好多。
不得不說編劇腦洞十級大。好多bug lol，例如千葉地震東京竟然冇震感、地震竟然冇人脤災、咁大件事大美帝嘅衛星竟然冇發現。
但係真心好笑嘅係，愛情線好多修羅場、編劇想人死想人受傷的話一槍就可以斃命，但如果編劇唔想人死就算成隊自衛隊揸埋大炮都唔會射中、仲有啲政府人員智商十級低，一班細路都玩唔過、仲有編劇如果想強行洗白，咁反派boss就會是個技術宅，可以幫佢地整機器發射radio wave去東京市區嘅電台、仲有只有十日就可以成個城市都洗劫晒，原來啲細路咩都識搶(eg藥同guitar string)，總之你諗唔到嘅編劇都諗到。
但係有兩樣嘢佢同mainstream劇唔同，一、女主角死咗，二、佢證明到嘴炮唔係一定有用。喺大結局，佢地為咗同政府抗爭，死守幕原，只係要求政府解釋。
但係最後班主角都冇成功到，劇情非常現實，知道即使今日死守，但係政府都唔會重視佢地班細路，高層嘅高層都只係會糊弄過去，再唔係高層都只係會被第二個換上去，再過幾年，件事丟淡咗，佢地嘅訴求都係唔會有人聽到，再唔係佢地今晚就會被政府班人射殺，渲都冇得淨，但係反而活著先係所有事發生過嘅證據，所以佢地要約定二十年後再返返來。
的確，成日都話，只有自己都係大人嘅時候，講嘅嘢都會更加有說服力，先會更有能力改變到，淨係靠嘴炮係冇用的。
#嘴炮都有失敗的時候
#唔係所有嘅偶像劇都係咁理想
#吐槽吐得好開心
#被閃瞎了鈦合金狗眼
#KinKiKids的青春痘 #堂本光一長毛好好看美顏盛世 #堂本剛人妻屬性max
#道明寺家繼承人修練的松本潤 #當年呆萌的相葉雅紀 #當年美顏的小原gg