越大镬越快乐

2007越大锅越快乐篇
路不拾遗
各位，我地宜家仲应唔应该路不拾遗啊，你觉得？（观众：应该~）系，尼群人都冇答到。因为上面尼一群根本就唔知路不拾遗系乜，系迷？我果日问个年轻人，距话：“我知啊，路不拾遗，一个日本女明星来噶嘛。啊唔系，果个系路不拾遗子。”路不拾遗，冇错，各位，系应该嘅，你执到人嘅嘢，要还翻比人，金钱例外哈。你细个成日玩埋果滴“揿棉胎”，为乜嘢？喇住一pe牌，一、二、三、四、五（用手盖住），你拍住距，系迷？就系训练你今日行街，OK？厕纸啊、电费单啊、身份证啊、ID卡啊、3万蚊（用脚踩住）。点解，点解路不拾遗系唔包括现金，因为当你摞到三万蚊去交比差人嘅时候，你其实即系想试探下距喈。你咁嘅行为系同抢腔冇分别，你都系想距死喈。距开腔打你，严格上，系合法嘅自卫……各位，我地细个真系咁样嘅，尼个世界，成日同我地讲好多嘢嘎：黄灯就要停啦，错就要认啦，路又要不拾遗啦，系迷？然后你大个咗，你发觉尼个世界滴人做人都唔系咁嘅，然后跟住你慢慢发觉你明白点解距叫你路不拾遗啊？因为如果你拾咗，距拾咩野啊？

不幸
到咗第二日，我自己一个人去食晚饭。同台呢，就有一家人系度搭台，一家四口，爸爸、妈妈、仔仔、女女。即系当然距地认为系我系度搭台啦，系迷？咁总之呢，就食下食下之际呢，忽然之间，果个妈妈，好劲抽咁揿咗个细路仔一巴，好劲抽，即系如果你未见过尼一嘢，你唔知乜嘢叫做劲抽。系真系好劲咁抽落去，我系忍得好辛苦先至冇……即系唔好突然间跳起身系度拍手掌你明唔明啊？系忍得好辛苦。即系你食食下餐蛋饭，就对面台有个人，费特纳咁开波，”冯~”，百几米喔真系。细路仔都呆咗，我捻距系系度捻紧：我系迷比雷劈呢？”冯~”，就没咗啦。爸爸都呆咗，我睇到距，距都唔识得反应，块面净系由黄变咗红，变咗紫，跟住距就用咗距孔武有力嘅前臂，一嘢执住隔离果张铁pink凳，好鬼重，揸起果个凳脚将凳摞起然后好用力咁样一嘢就掟，掟系地下度，跟住口中念念有词：shjaidophzxcnh……OK，食饭，继续食饭啦！乖，食饭。哗害，我心捻：距嗡咗乜嘢嘢令到距冷静得咁快？只有一个可能，妈妈打仔，系大自然嘅规律，做老豆尼一行，最紧要系，唔好打乱大自然嘅规律。各位，所有嘅不幸，都系大自然嘅规律。而大自然最高嘅规律，就系物理嘅定律。呐，以下我所讲嘅嘢呢，你冇一个物理嘅博士学位你系唔会听得明嘅，但系你地今日好够运，因为鄙人都系冇博士学位嘅，所以由我讲出来，你可能会明。呐，你听清楚尼句咯喔，各位：所有嘅不幸，无非就系能量嘅转移。啊，有料到咧~

系咁嘎啦，好出奇啊？
咁点解E，系等于mc square？距会话比你听，系因为，“系啦定律”。“系啦定律”系全个宇宙最高嘅定律，“系啦定律”只系一个简称，距嘅全名系：系咁嘎啦定律。……如果你再成熟滴，你仲会进修埋“好啊法则”。“好啊法则”系我自己专研咗好耐，专研出来嘅，“好啊法则”嘅全名就系：好出奇啊法则。

阿迪达斯
你明唔明？阿迪达斯嘅伟大就系在于咁啦，距嘅伟大唔在于距能够制造阿迪达斯，距嘅伟大系在于距能够制造一大堆无数咁多嘅白饭鱼。你一望我对波鞋，你，就系白饭鱼啦。

投资
啊唔系，黄生，你冷静滴，其实我们呢，只不过，我地一般投资界呢，系认为一个人，即系，如果年轻呢，就可以承受高一滴嘅风险……即系以你地滴投资界来讲，一个人如果到咗60岁，认为距前半生所有嘢做错晒，距系唔应该由头再来嘎，因为由头再来，个风险系好高噶嘛，距应该无风无浪咁乖乖地咁样等死，因为等死嘅风险系好低噶嘛，因为等死，你实等到嘎。

失恋唱情歌
失恋唱情歌，即系漏煤气，删窗啊。

嘥咗条鱼，嘥埋只鸡
一般人嘅正常人生，如意嘅事，开开心心、愉愉快快，有四五成、五六成噶喔，系冇乜特别感觉噶呢，有两三成，即系你宜家咁呢。系惟有，系有一两成，系特别唔愉快嘅。咁即系话，其实，人生不如意事系应该十常一二噶咋，点解一二我地会成日讲到八九呢？就系因为你个二五仔永远净系令你记住果不如意嘅一二。你去饮，有咩好食，你唔会记得啊，有乜嘢唔好食，四年后仲好清楚。“果条鱼蒸成咁，真系嘥鬼晒啦！”“唔系啊，果只鸡都几滑啊。”“果条鱼蒸成咁，嘥埋只鸡我话你听！我唔系得罪咁讲句根本就系嘥埋个新娘啦，条鱼蒸成咁！换乜鬼衫啊，边个睇你换衫啊，条鱼蒸成咁！！”“喂唔系喔，听讲果日个新郎哥饮到死咗喔！”“系咩？哦，咁距够运啦，唔使食条鱼！！蒸成咁。”

永远
正面嘅嘢我地好少用一滴好伟大嘅字眼，譬如系咩呢？譬如你话，永远。永远伟大了呱，尼个字眼，永远。永远加一年系迷永远啊？捻爆你噶啦。永远减一年系迷永远啊？哗，唔好呱！啊，尼滴捻爆嘅嘢，就系伟大噶啦！……你连，“阿mary，你永远请我食饭，我永远比tips”，你都讲唔出。永远，好难用，系迷？好难？唔难。“永远净系得你讲晒噶啦”、“系啊，我讲噶滴我永远都系废up噶啦”、“你又永远顾住自己得噶啦！”、“系，我就永远都错，你就永远都啱！”

BB
所以好多女士唔明白呢，好多女士好骄傲嘎，我知道噶，好骄傲，因为距认为自己好受欢迎，但系尼滴女士我好想同你讲一句：你明唔明？无论你几受欢迎，你系唔够你粒卵子咁受欢迎。无论你几受欢迎，睇怕你都冇几亿人追你呱？你想象下，有半个中国咁多男人追住你，你就会戴翻滴嘢噶啦。点解女士会容许尼个情况发生，我话比大家听，因为你地有个二五女，可能落咗滴BB降比你地。你知咩叫BB降啊？“阿强你好衰嘎，你又唔戴套。算啦，大不了就，生个BB啦！BB喔，又得意，又可爱，BB喔。”尼滴女士你地搞清楚，BB只系一个俗称来噶咋，OK？BB，系有一个正式嘅生理嘅学名嘎。距嘅学名就系：大肚剧痛家嘈屋闭濑屎濑尿供书教学无风无浪起码都使你四百万仲系一定唔还钱！

黑色幽默
喂，你要识得运用黑色幽默，你真系衰咗，so what？唔信，你下一次有人问你：“点解你人生会咁失败啊？”你答距：“额，睡眠，并不致富啊嘛。”“点解你嘅老婆可以丑样成咁嘎？”“额，豁达嘅性格并不保证视觉上嘅享受啊。”