林肯

评分：

6.0 还行

原名：Lincoln又名：林肯传

分类：剧情 / 传记 / 历史 / 地区：美国年份：2012

简介：

查看详情

更新时间:2022-03-21

林肯影评：ང་ཚོ་ནི་རྒྱལ་ཁབ་དང་རང་ཉིད་ཀྱི་ཅི་ཞིག་ཡིན་དགོས།

ཤ་མདོག་རིགས་རུས་མི་འདྲ་བའི་མི་ག་ཚོད་ཀྱིས་མགོ་བོ་དགྱེས་ནས་གནམ་ལ་ལྟ་ཚེ། མིག་མདུན་དུ་ཐུན་མོང་ལ་སྣང་བ་ནི་གཡའ་དག་པའི་ནམ་མཁའ་འམ་སྤྲིན་དཀར་ནག་ལང་ལོང་རྒྱུ་བའི་རྣམ་པ་དང་། ཉི་ཟླ་སྐར་གསུམ་གྱི་རྒྱུ་བའོ།།

ང་ཚོའི་མི་དབང་ཟེར་བ་དེ་ག་འདྲ་ཞིག་ཡིན་ནམ། གལ་སྲིད་ང་ཚོ་རྒྱལ་ཁབ་ཀྱི་རྒྱུ་ནོར་ལྟ་བུ་ཆགས་ཡོད་ན། ང་ཚོས་བཅོས་སྒྱུར་བྱེད་དགོས། གལ་སྲིད་ང་ཚོ་རྒྱལ་ཁབ་ཀྱི་ཅི་ཞིག་ཡིན་མིན་གསལ་བོ་མི་ཤེས་ན་ད་ཁྱོད་ཀྱིས་མི་ཚེ་རིན་ཐང་ཡང་དེ་བཞིན་དང་ལོ་རྒྱུས་ལ་ངོས་ཟིན་ཡང་དེ་ཙམ་ལས་མི་འདུག་པ་གསལ་བོ་རྟོགས་ཡོང་ངེས།

དེང་སང་ཨུ་རུ་སུ་དང་དབྱིན་རེན་གཉིས་ཀྱི་དམག་འཁྲུག་ལས་དང་བླངས་དམག་མི་རྣམས་ལ་མཚོན་ན་རྒྱལ་ཁབ་ཀྱི་ཆེད་དུ་རང་སྲོག་བློས་གཏོང་དགོས་ལ། དེ་ལ་གདམ་ཀ་གཉིས་མ་གཏོགས་མེད། གཅིག་ནི་སྔ་མ་བཞིན་ནོ།། གཅིག་ནི་བྲོས་བྱོལ་རེད། སྐབས་འདིར་ང་ཚོས་དམག་མི་དང་རྒྱལ་ཁབ་བར་གྱི་འབྲེལ་བའི་ཐད་ནས་མི་དབང་ངམ་ཐོབ་ཐང་ལ་བསམ་གཞིགས་རེ་བཏང་ན། དེ་ནི་ང་ཚོ་དང་འབྲེལ་བ་མེད་པ་ཞིག་ཡིན་པར་མ་སྙམ་དང་། སྔ་གཞུག་ཟེར་བའི་མི་ཚེ་ལ་དོན་དག་ཅི་བྱུང་མི་ཤེས་མོད། ཡིན་ན་ཡང་ནམ་ཡང་སེམས་སུ་གྲ་སྒྲིག་ཅིག་ཡོད་ན་དེ་མི་ཆོག་པ་གང་ཡང་མེད།

དེ་བས་ང་ཚོའི་གླེང་གཞི་སྟེ་དམག་མི་ནི་རྒྱལ་ཁབ་སྲུང་བའི་སྟོབས་ཤུགས་དང་། རྒྱལ་ཁབ་ཀྱི་བདེ་འཇགས་ཙམ་མ་ཡིན་པར་རྒྱལ་ཁབ་ཀྱི་རྒྱུ་ནོར་ཆེད་དུ་རང་སྲོག་ཤོར་དགོས་པ་ཞིག་ཡོན་ཚེ། དེ་ནི་ཅིས་ཀྱང་བསམ་ལས་འདས་པའི་དོན་དག་ཅིག་ལོས་ཡིན། ཅིས་ཀྱང་དམག་འཁྲུག་གང་ཞིག་བསླངས་རུང་དོན་གྱིས་བདེན་དོན་ལ་ཕྱོགས་ན་ལོས་བཟང་། ཡོད་ཚད་བདེན་དོན་གྱི་ཆེད་དུ་ཡིན་རྒྱུ་ཡང་ཤིན་ཏུ་དཀའ། གང་ལྟར་ལོ་རྒྱུས་ཀྱི་འཕེལ་རིམ་དང་མིའི་རིགས་ཀྱི་བསམ་གཞིགས་བྱེད་ཐབས་ཀྱི་ཆུ་ཚད་འདི་ཙམ་ལས་མེད་ན་ཡང་དེ་ནི་ཆོས་ཉིད་ཅིག་ཡིན་པས། གློ་བུར་དུ་འཛམ་གླིང་གི་ངོ་བོ་གཅིག་ཏུ་འགྱུར་སོང་བ་ཞིག་གནའ་དེང་གཉིས་ན་མེད། མ་འོངས་པ་མི་མཐོང་བས་དེ་བས་བཤད་དཀའ། གང་ལྟར་ཅིས་ཀྱང་དོན་དག་ལ་ལ་ཞིག་མི་སྒེར་ལ་རག་ལས་པས།

བརྒྱ་བཤད་ཚིག་གི་རྩ་བ་ནི་ང་ཚོ་མི་སུ་ཞིག་ཡིན་རུང་རྒྱལ་ཁབ་ཀྱི་ཆེད་དུ་ཟེར་ཡོང་དུས་བསམ་གཞིགས་བྱེད་ཐབས་འདི་འདྲ་མེད་ན་ག་ལ་ཆོག མི་བུ་སོ་སོ་རང་ཉིད་ཀྱི་འཚོ་གནས་ལ་དབང་ཆ་དང་མི་དབང་ཡོད་དགོས། རྒྱལ་ཁོངས་གང་ལ་ཡང་མི་གཏོགས་པའི་མི་དབང་ཞིག་རྒྱལ་ཁབ་མེད་ས་ན་མ་གཏོགས་ཡོད་རྒྱུ་མ་རེད། དེ་བས་གནས་གང་གི་མི་ཡིན་ན་རྒྱལ་ཁོངས་གང་དུ་གཏོགས་པ་ཡིན་ན་དེ་ལྟར་འགྲོ་རྒྱུ་ལས་ཐབས་གཞན་མེད། དེ་ནི་ད་ལྟའི་མིའི་རིགས་ཀྱི་ཆུ་ཚད་རེད། མཚམས་རེ་ང་ཚོས་ཅི་ལྟར་བྱེད་ཀྱང་རང་ཉིད་རྒྱལ་ཁབ་ལ་དབང་བ་ཞིག་གམ་རྒྱལ་ཁབ་རང་ཉིད་ལ་དགོས་པ་ཞིག་ཡིན་མིན་ད་དུང་ཞིབ་ཏུ་བསམ་བློ་བཏང་ཆོག